සියලු තෙල් නෞකා ඇතු­ළු­වීම සහ පිට­වීම තහ­නම් කර­මින් ඩොනල්ඩ් ට්‍රම්ප් විසින් වෙනි­සි­යු­ලා­වට පන­වනු ලැබූ සම්බා­ධක නියෝ­ග­යත් සමඟ ලෝක වෙළෙ­ඳ­පොළේ බොර­තෙල් මිල 2.4% කින් ඉහළ ගිය බව විදෙස් මාධ්‍ය වාර්තා කරයි. ලෝක වෙළෙ­ඳ­පො­ළට වෙනි­සි­යු­ලා­වෙන් සැප­යුම් ජාලය අව­හිර වීම තෙල් මිල ඉහළ යෑමට හේතු වී ඇති අතර, ට්‍රම්ප්ගේ සම්බා­ධක නියෝ­ග­යෙන් පසු ලෝක වෙළෙ­ඳ­පොළේ බ්‍රෙන්ට් බොර­තෙල් බැර­ල­යක මිල අමෙ­රි­කානු ඩොලර් 60.33 දක්වා 1.41 කින් ද, ටෙක්සාස් බොර­තෙල් බැර­ල­යක මිල ඩොලර් 56.69 දක්වා 1.42 කින් ද ඉහළ ගිය බව විදෙස් මාධ්‍ය වැඩි­දු­ර­ටත් වාර්තා කරයි.

වසර 2022 වන විට ලෝක වෙළෙ­ඳ­පො­ළට බොර­තෙල් අප­න­ය­නය කරන රට­වල් අත­රින් 22 වැනි ස්ථානයේ පසු වූ වෙනි­සි­යු­ලාව සිය තෙල් නිෂ්පා­ද­න­යෙන් 73% ක්ම අප­න­ය­නය කරන අතර, වසර 1960 දී පිහි­ටුවා ගත් ලෝක ඛනි­ජ­තෙල් අප­න­ය­නය කරන රට­වල සංවි­ධා­නයේ (ඔපෙක්) ආර­ම්භක සාමා­ජි­ක­යකු ද වේ.