ඉන්දියාව සහ ඊශ්රායලය අතර ආරක්ෂක සහ වෙළෙඳ ද්විපාර්ශ්වික සාකච්ඡා පැවැත්වීම අරමුණු කරමින් ඉන්දීය අගමැති නරේන්ද්ර මෝදි ඊශ්රායලයේ සංචාරයක් ආරම්භ කර ඇතැයි විදෙස් මාධ්ය වාර්තා කරයි. ඊයේ ඇරඹුණු දෙදින නිල සංචාරය වසර 9ක් ඇතුළත සිදුවන ඉන්දීය අගමැතිවරයාගේ දෙවැනි සංචාරය බවත්, ඊට පෙර ඔහු 2017 වසරේ ජුලි මාසයේදී සිය පළමු සංචාරය සිදු කළ බවත් ඉන්දීය මාධ්ය වාර්තා කරයි.
මේ සංචාරයේදී දෙරට අතර ආරක්ෂක සහ නිදහස් වෙළෙඳ ගිවිසුමකට දෙරටේ නායකයන් අතර එකඟතාව පළවනු ඇතැයි ද, ඉන්දියාව සමඟ පවතින සම්බන්ධතා ශක්තිමත් කිරීම ඊශ්රායල අගමැති බෙන්ජමින් නෙතන්යාහුගේ අපේක්ෂාව වී ඇතැයි ද ඉන්දියාවේ ඊශ්රයාල තානාපති රියුවන් අසාර් ප්රකාශ කර තිබේ.
මෝදි සහ නෙතන්යාහු අතර ද්විපාර්ශ්වික සාකච්ඡාවෙන් ඉදිරියේදී ඉන්දීය ව්යාපාරිකයන්ට ඊශ්රායලයේ ආයෝජන අවස්ථාව හිමිවනු ඇති බවත්, සයිබර් ආරක්ෂණය, කෘත්රිම බුද්ධි තාක්ෂණය ඇතුළු තාක්ෂණ නවෝත්පාදන ක්රියාවලිය සඳහා ඉන්දියාවට ඊශ්රායලයේ සහයෝගය ලැබෙනු ඇතැයි ද තානාපතිවරයා වැඩිදුරටත් සඳහන් කර තිබේ.